ဧပြီလ ၁၆ ရက်နေ့မှာ မကြာခင်ကျရောက်မယ့် အီစတာပွဲတော်နေ့လိုခေါ်တဲ့ ခရစ်တော်ရှင်ပြန်ထမြောက်ပွဲတော်အတွက် ထမင်းထုပ်ဖို့ ရွာနဲ့မလှမ်းမကမ်းမှာဖက်ရွက်သွားခူးရာ ပူတာအိုမြို့နယ် မူလာဒီကျေးရွာမှာ ဆင်တစ်ကောင်သောင်းကျန်းလို့ အမျိုးသမီး ၄ ဦး သေဆုံးခဲ့ရတယ်လို့ သိရပါတယ်။သေဆုံးသူတွေဟာ အသက် ၈၀ ကျော်အရွယ်အမျိုးသမီး ၃ ဦးနဲ့ အသက် ၃၀ ကျော်အရွယ်အမျိုးသမီးတစ်ဦးတို့ဖြစ်ပြီး အဲ့ဒီထဲမှာ လီဆူအဆိုတော် ယော်တီဖာရဲ့ မိခင်ပါသေဆုံးခဲ့ရတာဖြစ်ပါတယ်။
