အင်ဒိုနီးရှားမှ ဘာလီကျွန်းတွင် မြေအောက်အမြန်ရထားလမ်း Bali Urban Subway အသစ်အတွက် Bali Mass Rapid Transit စီမံကိန်းကို အဆင့် ၄ ဆင့်ဖြင့်လုပ်ဆောင်မည်

အင်ဒိုနီးရှားမှ နိုင်ငံတကာ ခရီးသွားများ အလာများသည့် ဘာလီကျွန်းတွင် မြေအောက်အမြန်ရထားလမ်း Bali Urban Subway အသစ်အတွက် ခန့်မှန်းကုန်ကျစရိတ် ကန်ဒေါ်လာ ၂၀ ဘီလီယံ ရှိမည့် Bali Mass Rapid Transit စီမံကိန်းကို အဆင့် ၄ ဆင့်ဖြင့် အကောင်အထည်ဖော်သွားမည်ဖြစ်ပါတယ်။အဆိုပါမြေအောက်ရထားလမ်းသည် သွားလာရသည့် အချိန်များကို သိသိသာသာ လျှော့ချ‌ပေးမည်ဖြစ်ပြီး ခရီးသွားလုပ်ငန်းကို ပံ့ပိုးပေးမှာလည်းဖြစ်ပါတယ်။ဘာလီကျွန်းတွင် အဆောက်အဦးများကို အုန်းပင်ထက် မမြင့်ရဟု ပြဋ္ဌာန်းထားသည်နှင့်အညီ မြေအောက်ရထားလမ်း အဆောက်အဦးများကို ဗိသုကာဒီဇိုင်း ထုတ်ထားပါတယ်။ရထားလမ်းသည် Gusti Ngurah Rai International Airport (DPS) နှင့် အပန်းဖြေစခန်းများရှိရာ ဘာလီကျွန်းတောင်ပိုင်းကို ဆက်သွယ်ပေးထားမည်ဖြစ်ကာအမြင့်ဆုံးမြန်နှုန်းမှာ တစ်နာရီလျှင် ၆၂ မိုင် ဖြစ်ပါတယ်။