သိပ္ပံနှင့်နည်းပညာဝန်ကြီးဌာနက Polytechnic Institute ဖွင့်လှစ်ရန်အစီအစဉ်နှင့်ဆိုင်ရာ သင်ရိုးညွှန်းတမ်းများအပေါ် သက်ဆိုင်ရာလုပ်ငန်းခွင်များနှင့် ကိုက်ညီမှုရှိစေရန်အတွက် UMFCCI ၌ ပြည်ထောင်စုဝန်ကြီး ဦးဆောင်၍ ကဏ္ဍအသီးသီးမှ လုပ်ငန်းရှင်များနှင့် တွေ့ဆုံညှိနှိုင်းဆွေးနွေးခဲ့သည်။ ထို့နောက် စက်မှုဇုန်များနှင့်နည်းပညာတက္ကသိုလ်များသို့ သွားရောက်လေ့လာပြီး လိုအပ်သည့်လူ့စွမ်းအားအရင်းအမြစ်နှင့် သင်ကြားရေးသက်ဆိုင်ရာကိစ္စရပ်များကို ဆက်လက်ညှိနှိုင်းခဲ့ကြောင်း သိရသည်။
