ထိုင်းနိုင်ငံ မှာ ရောက်ရှိနေတဲ့ မြန်မာအလုပ်သမားတွေဟာ နှစ်စဥ်သင်္ကြန်ကာလ မှာ မြန်မာနိုင်ငံကို အလည်ပြန်သူ များပြားပေမယ့် ယခုနှစ်သင်္ကြန်ကာလ မှာတော့ နေရပ်ကို ပြန်သူ အလွန်နည်းတယ်လို့ ထိုင်းရောက်မြန်မာအလုပ်သမားတွေနဲ့ အလုပ်သမားအရေးကူညီနေသူတွေထံက သိရပါတယ်။ ထိုင်းအစိုးရမှ သင်္ကြန်ကာ လ အလုပ်ပိတ်ရက်မှာ ထိုင်းနိုင်ငံရှိ နိုင်ငံခြားသား ရွှေ့ပြောင်း အလုပ်သမားတွေ နေရပ်ကို အလည်ပြန်နိုင်ဖို့ အတွက် ပြန်လည်ဝင်ရောက်ခွင့်ဗီဇာ (RE ENTRY) ကို ဧပြီလ ၁ရက်မှ မေလ ၁၅ ရက်အထိ အခမဲ့ ခွင့်ပြု ထားပေးပါတယ်။ ထိုင်းရှိ စက်ရုံ အလုပ်ရုံ တွေ ကလည်း သင်္ကြန်ပိတ်ရက် ကို အနည်းဆုံး ၅ ရက်မှ ၁၅ ရက်အထိ အားလပ်ရက် ပေးထားတယ်လို့ အလုပ်သမားတွေထံ မှ သိရပါသည်။
