မန္တလေးငလျင်ကြီးဒဏ်ကြောင့်ပြိုကျပျက်စီးခဲ့သည့် မန္တလေးမြို့မှ ဟိုတယ်များ၏ ပျက်စီးဆုံးရှုံးမှုများကို စနစ်တကျစာရင်းပြုစုတင်ပြရန် ဟိုတယ်နှင့်ခရီးသွားလာရေးဝန်ကြီးဌာနက မှာကြားသည်။ဟိုတယ်ခရီးဝန်ကြီးမှ ငလျင်ဒဏ်ကြောင့် ဟိုတယ်အဆောက်အအုံများအတွင်းအပြင်ပြိုကျပျက်စီးနေမှု၊ ပျက်စီးမှုများကိုရှင်းလင်းဖယ်ရှားနေမှုများနှင့် ပြန်လည်ပြင်ဆင်ဆောင်ရွက်ရန် စီစဉ်ဆောင်ရွက်နေမှုတို့ကို ကြည့်ရှုစစ်ဆေးပြီး ဟိုတယ်များမှတာဝန်ရှိသူများကိုအားပေးကာ ပြိုကျပျက်စီးသွားသည့် အဆောက်အအုံများကို လမ်းများပိတ်ဆိုမှုမရှိအောင် အမြန်ရှင်းလင်းဖယ်ရှားရန်၊ အပျက်အစီးများကို ဖယ်ရှားခြင်း၊ အဆောက်အအုံများကို ပြုပြင်မွမ်းမံခြင်းလုပ်ငန်းများဆောင်ရွက်ရာ၌ ဘေးအန္တရာယ်ကင်းရှင်းရေးကို ဦးစားပေးဆောင်ရွက်ရန် မှာကြားခဲ့သည်။
