မန္တလေးမြို့သို့ရောက်ရှိနေသော ကချင်ပြည်နယ် မိုးညှင်းမြို့နယ်မှကြက်ခြေနီစေတနာလုပ်အားရှင်များသည် ငလျင်ဘေးသင့်ပြည်သူများအား Mobile Clinic ဖြင့် ဆေးကုပေးနေ

ဧပြီလ၁၀ရက်တွင် ငလျင်အန္တရာယ် တုံ့ပြန်ဆောင်ရွက်ရေးလုပ်ငန်းများတွင် အားဖြည့်ကူညီရန် မန္တလေးမြို့သို့ရောက်ရှိနေသော ကချင်ပြည်နယ် မိုးညှင်းမြို့နယ်မှကြက်ခြေနီစေတနာလုပ်အားရှင်များသည် ငလျင်ဘေးသင့်ပြည်သူများအား Mobile Clinic ဖြင့် ပဏာမကျန်းမာရေးစောင့်ရှောက်မှုပေးခြင်း၊ သန့်ရှင်းသော သောက်သုံးရေရရှိရေးဆောင်ရွက်ခြင်း၊ ယာယီအမိုးအကာများ ဆောက်လုပ်ခြင်း၊ ရှေးဦးပြုစုခြင်း၊ စိတ်ပိုင်းဆိုင်ရာ အားပေးကူညီခြင်း၊ အသုံးအဆောင်ပစ္စည်းများပေးဝေခြင်းစသည့် လူမှုကရုဏာအကူအညီများပေးရာတွင် ကူညီခြင်း၊ ငလျင်ဘေးသင့် ပြည်သူများ၏ လိုအပ်ချက်ကို သိရှိပြီး လိုအပ်သည့် အကူအညီများ ပေးနိုင်ရန် Assessment ကောက်ယူခြင်းတို့တွင် ပါဝင် အားဖြည့်ကူညီလျက်ရှိပါတယ်။