ယူကရိန်း၌ ပြည်ပတပ်ဖွဲ့ အခြေစိုက်မှုမှန်သမျှသည် ရုရှားအတွက် ခြိမ်းခြောက်မှုဖြစ်ကြောင်းရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ပြော

ယူကရိန်းနိုင်ငံ၌ ပြည်ပတပ်ဖွဲ့ အခြေချတပ်စွဲမှု မှန်သမျှကို ရုရှားနိုင်ငံအား ခြိမ်းခြောက်မှုအဖြစ် မှတ်ယူမည်ဖြစ်ကြောင်း ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာက ဧပြီ ၉ ရက်၌ ပြောကြားခဲ့သည်။"ယူကရိန်းမှာ အလံနဲ့ အမှတ်သင်္ကေတတွေပဲဖြစ်ဖြစ် ဒါမှမဟုတ် လုပ်ပိုင်ခွင့် ကြေညာတာပဲဖြစ်ဖြစ် ပြည်ပတပ်ဖွဲ့တွေရဲ့ ဘယ်လိုအခြေချတပ်စွဲမှုကိုမဆို ရုရှားဖက်ဒရေးရှင်းနိုင်ငံရဲ့ လုံခြုံရေးအပေါ် ခြိမ်းခြောက်မှုအဖြစ် မှတ်ယူသွားမှာပါ" ဟု ဇာခါရိုဗာက သတင်းစာရှင်းလင်းပွဲ၌ ပြောကြားခဲ့သည်။