အမေရိကန်ရဲ့ အခွန်ကောက်ခံမှု လက်တုံ့ပြန်မှာမဟုတ်ဘူးလို့ အာဆီယံအဖွဲ့ ထုတ်ပြန်လာ

အမေရိကန်ရဲ့ အခွန်တိုးမြှင့်ကောက်ခံမှုတွေကို လက်တုံ့ပြန်အစီအမံတွေ ချမှတ်ပြီး အခွန်ပြန်ကောက်မှာ မဟုတ်ဘူးလို့ အာဆီယံ စီးပွားရေးဝန်ကြီးတွေက ဧပြီလ၁၀ရက်နေ့မှာ ပူးတွဲကြေညာချက် ထုတ်ပြန်လိုက်ပါတယ်။ကုန်သွယ်ရေးနဲ့ပတ်သက်တဲ့ စိုးရိမ်ပူပန်မှုတွေကို ဖြေရှင်းဖို့ အမေရိကန်နဲ့ အပြုသဘောဆောင် ပွင့်လင်းတဲ့ တွေ့ဆုံဆွေးနွေးရေးတွေလုပ်ဖို့ ရည်ရွယ်ထားပြီး ဒီလိုပူးပေါင်းဆောင်ရွက်မှုဟာ မျှတပြီး ရေရှည်တည်မြဲတဲ့ ဆက်ဆံရေးကို အာမခံရန် အရေးကြီးကြောင်း ထုတ်ပြန်ချက်မှာ ဖော်ပြပါတယ်။