သရုပ်ဆောင်ပိုးကြာဖြူခင်ရဲ့ စတုဒီသာအလှူဟာ
ဧပြီလ ၁ ရက်နေ့တည်းက နေ့စဉ်တစ်ရက်မပျက်လှူဒါန်းလာခဲ့တာ ၉ ရက်မြောက်နေ့ကိုရောက်ရှိလာခဲ့ပြီဖြစ်ပါတယ်။ ၉ ရက်ကြာကျွေးမွေးခဲ့ရာ ခန့်မှန်းခြေ လူအယောက်ပေါင်း ၁၀,၀၀၀ ဝန်းကျင်စာရှိခဲ့ပြီဖြစ်တယ်လို့ ပိုးကြာဖြူခင်ကပြောပါတယ်။ ငလျင်ဘေးသင့်ရာဒေသမှာနေထိုင်တာကြောင့် သူမတို့မိသားစုလည်း ငလျင်ဘေးဒဏ်သင့်တဲ့ထဲပါဝင်ခဲ့ပေမယ့် စတုဒီသာအလှူကိုတော့ တစ်ရက်မပြတ်ကျွေးမွေးခဲ့တာပါ။ ဧပြီလ၉ ရက်ထိ၉ရက်တိုင်တိုင်ကျွေးမွေးပြီးတဲ့နောက်မှာတော့ သူမရဲ့စတုဒီသာအလှူကပြီးဆုံးသွားပြီလို့ဆိုပါတယ်။ လာမယ့်သင်္ကြန်မှာလည်း စတုဒီသာအလှူလုပ်သွားနိုင်အောင်ကြိုးစားမယ်လို့ သူမကပြောပါတယ်။
