"When Life Gives You Tangerines" ဒရမ်မာဟာ တကယ့်အပြင်က လင်မယားနှစ်ယောက်ရဲ့ ဘဝဇာတ်ကြောင်းကို ကျောရိုးယူထား

"When Life Gives You Tangerines"ဇာတ်ကားဟာ ဂျယ်ဂျူးမှာ တကယ်ရှိတဲ့ စုံတွဲအကြောင်းကို ထည့်ရိုက်ထားတာဖြစ်ပြီး လက်တွေ့ဘဝက Hong Kyung Ja (အယ်ဆွန်း) နဲ့သူမရဲ့‌ယောက်ျား (ဂွမ်ရှစ်) စုံတွဲက ပိုပြီးတော့တောင် ခက်ခဲကြမ်းတမ်းခဲ့ပါတယ်။အယ်ဆွန်းကာရိုက်တာဖြစ်လာစေခဲ့တဲ့ Hong Kyung Ja ဟာ မိထွေးနဲ့နေခဲ့ရပြီး သူ့ရဲ့အငယ်လေး ၈ ယောက်ကို ရှာကျွေးဖို့ ငယ်ငယ်လေးနဲ့ ရေငုပ်သမလုပ်ခဲ့ရတဲ့အပြင် ဖမ်းရလာသမျှကို ရောင်းခဲ့ရပါသေးတယ်။ မိသားစုအခြေအနေကြောင့် အလယ်တန်းတောင်မတက်နိုင်တော့တဲ့အခြေအနေမှာ သူမကိုယ်တိုင် ကုန်းရုန်းကြိုးစားပြီး ဘဝကို ရင်ဆိုင်ခဲ့ပါတယ်။ ဇာတ်လမ်းထဲက အယ်ဆွန်းလိုပဲ သူမဘေးမှာ ငယ်စဉ်ကတိုင် ရင်းနှီးခဲ့တဲ့သူငယ်ချင်းနဲ့ပဲ ချစ်သူတွေအဖြစ် ၆ နှစ်ကြာတွဲခဲ့ပြီးနောက် လက်ထပ်ခဲ့ပါတယ်။