အိမ်နီးချင်းနိုင်ငံများနှင့် အေးအတူ ပူအမျှ အသိုက်အဝန်း ထူထောင်ရန် သမ္မတရှီ တိုက်တွန်း

တရုတ်နိုင်ငံ သမ္မတ ရှီကျင့်ဖိန်က အိမ်နီးချင်းနိုင်ငံများနှင့် အေးအတူပူအမျှ အသိုက်အဝန်း ထူထောင်ရန်၊ တရုတ်နိုင်ငံ၏ အိမ်နီးချင်း သံခင်းတမန်ခင်း လုပ်ငန်းစဉ်အတွက် ကဏ္ဍသစ်ဖွင့်လှစ်ရေး ကြိုးပမ်းသွားကြရန် တိုက်တွန်းပြောကြားခဲ့သည်။ပေကျင်းမြို့တွင် ဧပြီ ၈ ရက်မှ ၉ ရက်အထိ ကျင်းပခဲ့သည့် အိမ်နီးချင်းနိုင်ငံများနှင့် သက်ဆိုင်သော လုပ်ငန်းစဉ်ဆိုင်ရာ ဗဟိုအဆင့် ဆွေးနွေးပွဲ၌ တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ်နှင့် ဗဟိုစစ်ကော်မရှင် ဥက္ကဋ္ဌလည်းဖြစ်သူ ရှီက အထက်ပါအတိုင်း ပြောကြားခဲ့ခြင်းဖြစ်သည်။