ပြည်ပရောက် ဘင်္ဂလားဒေ့ရှ်နိုင်ငံသားများထံမှ ဘင်္ဂလားဒေ့ရှ်သို့ တရားဝင် ငွေလွှဲပမာဏ ကန်ဒေါ်လာ ၁၈.၄၈ ဘီလီယံ ရှိ

ဘင်္ဂလားဒေ့ရှ် ဗဟိုဘဏ် Bangladesh Bank မှ ထုတ်ပြန်သည့် ဒေတာအရ၂၀၂၅ ဘဏ္ဍာနှစ် ၈လ(၂၀၂၄ ဇူလိုင်မှ ၂၀၂၅ ဖေဖော်ဝါရီအထိ)တွင် ပြည်ပရောက် ဘင်္ဂလားဒေ့ရှ်နိုင်ငံသားများထံမှ ဘင်္ဂလားဒေ့ရှ်သို့ တရားဝင် ငွေလွှဲပမာဏ ကန်ဒေါ်လာ ၁၈.၄၈ ဘီလီယံ ရှိသည်။ နိုင်ငံအလိုက်ကြည့်လျှင် ငွေလွှဲပမာဏ အများဆုံးမှာ အမေရိကန် ဖြစ်သည်။ ၎င်း ၈လအတွင်း အမေရိကန်မှ ငွေလွှဲပမာဏသည် ၂၀၂၄ ဘဏ္ဍာနှစ်တွင် ကန်ဒေါ်လာ ၁.၆ ဘီလီယံ ရှိခဲ့ပြီး ၂၀၂၅ ဘဏ္ဍာနှစ်တွင် ကန်ဒေါ်လာ ၃.၃၉ ဘီလီယံ ရှိသည်။ သို့ဖြစ်ရာ ၂၀၂၄ ငွေလွှဲပမာဏ၏ ၂ ဆကျော် ဖြစ်သည်။