စစ်ကိုင်းပြတ်ရွေ့ငလျင်ဒဏ်ကြောင့် မြန်မာအလုပ်သမားဝန်ကြီးဌာန၏ OWIC ကတ်ထုတ်ပေးသည့်လုပ်ငန်းစဉ် နှောင့်နှေးနေသည့်အတွက် ဂျပန်နိုင်ငံသို့ အလုပ်သွားရောက်လုပ်ကိုင်ခွင့် ဗီဇာရရှိထားသူများနှင့် မှီခိုနေထိုင်ခွင့်ဗီဇာရရှိထားသူများအတွက် COE သက်တမ်းကို (၆)လအထိတိုး၍ ခွင့်ပြုကြောင်း မြန်မာနိုင်ငံဆိုင်ရာဂျပန်သံရုံးက ၂၀၂၅ ခုနှစ် ဧပြီလ (၈)ရက်နေ့တွင် ကြေညာသည်။ဂျပန်နိုင်ငံတွင် မြန်မာနိုင်ငံသားများ၏ အလုပ်လုပ်ကိုင်ခြင်းနှင့် သက်ဆိုင်သည့် ကာလရှည်နေထိုင်ခွင့်လက်မှတ်-Certificate of Eligibility(COE) သက်တမ်းကို ယခင်က (၃)လသာ ခွင့်ပြုပြီး အဆိုပါခွင့်ပြုကာလအတွင်း ဂျပန်ပြည်ဝင်ခွင့်ဗီဇာလျှောက်ထားကာ ထွက်ခွာကြရခြင်းဖြစ်သည်။
