အစ္စရေးနဲ့ အစ္စလာမစ်အဖွဲ့ ဟားမတ်စ်တို့အကြား ပဋိပက္ခတွေ စတင်ဖြစ်ပွားချိန်ကနေ တစ်နှစ်ခွဲကြာခဲ့ချိန်မှာ ဂါဇာကမ်းမြောင်ဒေသရဲ့ လူသားချင်းစာနာမှုဆိုင်ရာ အခြေအနေတွေ ဆက်လက် ဆိုးရွားနေပါတယ်။ ၂၀၂၃ ခုနှစ် အောက်တိုဘာလမှာ အစ္စရေးနိုင်ငံကို ဟားမတ်စ်အဖွဲ့က များပြားတဲ့ ဒုံးကျည်တွေ ပစ်ခတ်တာနဲ့ တခြားတိုက်ခိုက်မှုတွေကို လုပ်ဆောင်ခဲ့ပြီး လူပေါင်း ၁,၂၀၀ လောက် သေဆုံးစေခဲ့တဲ့နောက်မှာ တိုက်ပွဲတွေ စတင်ဖြစ်ပွားခဲ့ပါတယ်။ အခုနှစ် ဇန်နဝါရီလမှာ သီတင်း ၆ ပတ်ကြာ အပစ်အခတ်ရပ်စဲရေး နှစ်ဘက်သဘောတူညီခဲ့ပေမဲ့ အဲဒါကို သက်တမ်းတိုးဖို့ ညှိနှိုင်းမှုတွေဟာ ရပ်တန့်နေပါတယ်။
