ဆောက်သမ်တန်အသင်းဟာ ရာသီမကုန်ခင် ၇ ပွဲအလိုမှာပဲ တန်းဆင်းဖို့ သေချာသွားခဲ့ပြီး ပရီးမီးယားလိဂ် သမိုင်းမှာ အစောဆုံး တန်းဆင်းရတဲ့အသင်းအဖြစ် မှတ်တမ်းဝင်သွားခဲ့ပါတယ်။ တနင်္ဂနွေညက စပါးအသင်းကို အဝေးကွင်းမှာ ရှုံးနိမ့်ခဲ့ပြီးနောက် ဆောက်သမ်တန်အသင်း တန်းဆင်းရဖို့ သေချာသွားခဲ့တာပါ။ အခုရာသီ ဆောက်သမ်တန်အသင်း မတိုင်ခင်မှာ ၁၉၉၄-၁၉၉၅ ဘောလုံးရာသီက အစ်ဆွစ်ချ်နဲ့ ၂၀၀၇-၂၀၀၈ ဘောလုံးရာသီ က ဒါဘီအသင်းတွေဟာ ရာသီမကုန်ခင် ၆ ပွဲအလိုမှာ တန်းဆင်းဖို့ သေချာသွားခဲ့ပြီး အစောဆုံး တန်းဆင်းရတဲ့ အသင်းတွေအဖြစ် မှတ်တမ်းဝင်ထားတာ ဖြစ်ပါတယ်။
