မြောက်ကိုရီးယားနိုင်ငံတွင် နှစ်စဉ်ကျင်းပခဲ့သော နိုင်ငံတကာ မာရသွန်ပြိုင်ပွဲကို ၆ နှစ်အကြာမှာ ပြန်လည်ကျင်းပခဲ့ကြောင်းသိရသည်။၂၀၁၉ ခုနှစ်က နောက်ကျင်းပခဲ့သော အဆိုပါပြိုင်ပွဲသည် ကိုဗစ် ၁၉ ရောဂါကြောင့် ၆ နှစ်ကြာ ရပ်ဆိုင်းခဲ့ရသည်။ ကိုဗစ် ၁၉ မတိုင်မီ နောက်ဆုံးကျင်းပခဲ့သည့် ပြိုင်ပွဲတွင် နိုင်ငံတကာမှ ပြိုင်ပွဲဝင်ပေါင်း ၉၅၀ ကျော်ပါဝင်ခဲ့ပြီး ယခုပြန်လည်ကျင်းပချိန်တွင် အပြေးသမား ၂၀၀ ဝန်းကျင်သာ ပြန်လည်ပါဝင်ခဲ့ကြောင်းသိရသည်။ အဆိုပါပြိုင်ပွဲကို ၁၉၈၁ ခုနှစ်မှစတင်ပြီး မြောက်ကိုရီးယားခေါင်းဆောင်ဟောင်း ကင်အီဆွန်း၏ မွေးနေ့အထိမ်းအမှတ် နှစ်စဉ်ကျင်းပခဲ့ခြင်းဖြစ်သည်။
