Neta ကို ရှန်ဟိုင်းအခြေစိုက် Hozon New Energy Automobile မှ ပိုင်ဆိုင်သည်။ယခုအခါ Hozon New Energy Automobile ကို တရုတ်အစိုးရက ပူးတွဲ ပိုင်ဆိုင်သည်။ ယမန်နှစ်က နိုင်ငံပိုင် အရင်းအနှီး ရန်ပုံငွေ လုပ်ငန်းများထံမှ ယွမ် ၅ ဘီလီယံ ရယူခဲ့သည်။ကုန်းလမ်းပို့ဆောင်ရေးအာဏာပိုင်အဖွဲ့၏ အချက်အလက်များအရ Neta သည် ယနေ့အထိ စင်ကာပူတွင် အီးဗီမော်ဒယ် ၄ ခုကို ရောင်းချရန် မှတ်ပုံတင်ထားပြီးဖြစ်သည်။ ၂၀၂၄ ခုနှစ် နိုဝင်ဘာလတွင် မော်ဒယ် ၂ ခုနှင့် ၂၀၂၅ ခုနှစ် ဇန်နဝါရီလတွင် နောက်ထပ်မော်ဒယ် ၂ ခု မှတ်ပုံတင်ခဲ့သည်။ ယခုအခါ တစုံတရာ ကြေညာခြင်း မပြုဘဲ အရောင်းပြခန်းကို ပိတ်သိမ်းလိုက်သည်။
