အလုပ်သမားဝန်ကြီးဌာန အဆောက်အအုံနှင့် ရုံးခန်းများ ထိခိုက်ပျက်စီး ခဲ့သော်လည်း အလုပ်သမားစေလွှတ်မှုကို စိစစ်ခွင့်ပြုပေးလျက်ရှိ

အလုပ်သမားဝန်ကြီးဌာနအနေဖြင့် လက်ရှိတွင် ထိုင်းနိုင်ငံ၊ မလေးရှားနိုင်ငံ၊ ဂျပန်နိုင်ငံ၊ စင်ကာပူနိုင်ငံ၊ ကိုရီးယားသမ္မတနိုင်ငံနှင့် အခြားပြည်ပနိုင်ငံများမှ ခွင့်ဖြင့်ဝင်ရောက်လာပြီး ပြန်လည်ထွက်ခွာမည့် သူများအားလည်းကောင်း၊ မိမိအစီအစဉ် ကျွမ်းကျင်လုပ်သားအဖြစ်လည်းကောင်း၊ ပြည်ပအလုပ် အကိုင် အကျိုးဆောင်လိုင်စင်ရအေဂျင်စီများမှတစ်ဆင့် ပြည်ပနိုင်ငံများသို့ သွားရောက်အလုပ် လုပ်ကိုင်မည့်သူများအားလည်းကောင်း ခွင့်ပြုဆောင်ရွက်ပေးလျက်ရှိ‌ကြောင်း သိရသည်။ထိုသို့ ခွင့်ပြုလျှက်ရှိရာတွင် ၂၀၂၅ ခုနှစ်၊ မတ်လတွင် လုပ်သား ၃,၂၆၄ ဦးနှင့် ၁-၄-၂၀၂၅ ရက်နေ့တွင် ၅၉ ဦးတို့အား ခွင့်ပြုပေးခဲ့ကြောင်း သိရသည်။