မန္တလေး၊ စိန်ပန်းရပ်ကွက်တွင် လေကြီးမိုးကြီးကျချိန် နေအိမ်ကို ဓားကိုင်လူတစ်စုက အနုကြမ်းစီး ဓားပြတိုက်ရန် ကြိုးပမ်း

ယမန်နေ့ဧပြီလ ၅ ရက်နေ့ ည ၉ နာရီအချိန် မဟာအောင်မြေမြို့နယ်၊ စိန်ပန်းရပ်ကွက်၊ ဧသုခ၊ ၄၁ လမ်းx ၉၁ လမ်းရှိ နေအိမ်ကို ဓားပြတိုက် အနုကြမ်းစီးရန် လူအုပ်စုက ဝင်ရောက်လာကြောင်း၊ အိမ်ရှင်များက ပတ်ဝန်းကျင်ကို အော်ဟစ် အကူအညီတောင်းသဖြင့် ဓားပြများ ထွက်ပြေးသွားရာ ပြည်သူများက ၀ိုင်းဝန်း လိုက်ကြ​ရာတွင် အနုကြမ်းစီး ဓားပြတိုက်ရန် ကြိုးစားသူများကို ဖမ်းမမိခဲ့ကြောင်း သိရှိရသည်။ ယမန်နေ့ မန္တလေးတွင် မိုးကြီးလေကြီးကျရောက်သဖြင့် နောက်ဆက်တွဲ ငလျင်ကြောက်၍ တဲများဖြင့် နေထိုင်သော ပြည်သူများမှာ အတိဒုက္ခရောက်ရကြောင်း သိရှိရသည်။