ငလျင်ဘေးသင့်ဒေသတွင်ကူညီနေသော USAID ဝန်ထမ်း ၃ ဦး အလုပ်ဖြုတ်ခံရ

ထရမ့်အစိုးရ၏ နိုင်ငံရပ်ခြားအကူအညီပေးရေးအစီအစဉ်ဖျက်သိမ်းမှုက မြန်မာနိုင်ငံ၏သဘာဝဘေးအန္တရာယ်တုံ့ပြန်မှုအပေါ် သက်ရောက်မှုရှိနေစဉ်မှာပဲ ငလျင်အတွက် ကယ်ဆယ်ရေးနှင့်ပြန်လည်ထူထောင်ရေးတွင် ပါဝင်ကူညီပေးနေသော အမေရိကန်အကူအညီပေးရေးလုပ်သား သုံးဦး အလုပ်ဖြုတ်ခံလိုက်ရသည်ဟု အမေရိကန် နိုင်ငံတကာဖွံ့ဖြိုးတိုးတက်ရေးအေဂျင်စီ (USAID) မှ စီနီယာဝန်ထမ်းဟောင်းတစ်ဦးက ပြောသည်။မြန်မာနိုင်ငံသို့ ရောက်ရှိလာသည့် ထိုအရာရှိ သုံးဦးသည် အလုပ်ထုတ်ပယ်ခံရမည်ဟု ယခုသီတင်းပတ်နှောင်းပိုင်းတွင် အကြောင်းကြားခံခဲ့ရကြောင်း USAID မှ အရာရှိဟောင်း မာစီယာဝေါင်းကပြောသည်။