ဧပြီ ၅ ရက်နေ့တွင် ဝါရှင်တန်ဒီစီနှင့် အမေရိကန်နိုင်ငံအနှံ့ရှိ မြို့ကြီးမြို့ငယ်များတွင် ဆန္ဒပြသူထောင်နဲ့ချီ စုဝေးခဲ့ကြသည်။ ၎င်းတို့သည် သမ္မတ ဒေါ်နယ်ထရမ့်နှင့် သူ၏ ဘီလျံနာမိတ်ဖက် Elon Musk တို့မှ အစိုးရစနစ်ပြောင်းလဲခြင်းနှင့် သမ္မတအာဏာချဲ့ထွင်ခြင်းကို လျင်မြန်စွာ ကြိုးပမ်းစဉ်ကတည်းက ဖြစ်ပေါ်ခဲ့သည့် ဆန့်ကျင်ရေး ဆန္ဒပြအကြီးဆုံး တစ်ရက်တာအစီအစဉ်လို့ ခန့်မှန်းထားသော ဆန္ဒပြပွဲ ၁,၂၀၀ ခန့်ထဲမှ တစ်စိတ်တစ်ပိုင်းသာဖြစ်သည်။ အပူချိန်နိမ့်ပြီး မိုးသွန်းသွန်းဖြင့် ညှင်းညှင်းအေးအေး ရှိနေသည့် အခြေအနေတွင် လူအများပြားသည် ဝါရှင်တန်မော်နျူးမင့်တ်ပတ်ဝန်းကျင်ရှိ မြက်ခင်းပြင်ကျယ်သို့ ရောက်လာကြသည်။ ပွဲစီစဉ်သူများက Reuters သို့ ပြောကြားရာတွင် အနည်းဆုံး လူ ၂၀,၀၀၀ ခန့်ကို National Mall တွင် ကျင်းပမည့် ဦးစီးဆန္ဒပြပွဲသို့ တက်ရောက်မည်ဟု မျှော်လင့်ထားကြောင်းဖော်ပြခဲ့သည်။
