အင်ဒိုနီးရှားသည် အမေရိကန်သို့ ကုန်ပစ္စည်းဒေါ်လာ ၂၆ ဒသမ ၃ ဘီလီယံဖိုး တင်ပို့ခဲ့

အင်ဒိုနီးရှား-အမေရိကန် နှစ်နိုင်ငံကုန်သွယ်ရေးတွင် အင်ဒိုနီးရှားသည် အမေရိကန်သို့ ကုန်ပစ္စည်းဒေါ်လာ ၂၆ ဒသမ ၃ ဘီလီယံဖိုး တင်ပို့ခဲ့ပြီး ဒေါ်လာ ၉ ဒသမ ၅ ဘီလီယံဖိုးကိုသာ အမေရိကန်ထံမှ တင်သွင်းသည်။ အင်ဒိုနီရှားမှ အမေရိကန်သို့ တင်ပိုသည့် အဓိကကုန်စည်များမှာ လျှပ်စစ်ပစ္စည်း၊ အဝတ်အထည်နှင့် ဖိနပ်၊ စားအုန်းဆီနှင့် ရော်ဘာတို့ ဖြစ်သည်။ ယခုအခါ အမေရိကန်သမ္မတ ဒေါ်နယ်ထရမ့်က အင်ဒိုနီးရှားမှ တင်သွင်းသည့် ကုန်စည်များအပေါ် အကောက်ခွန် ၃၂% စည်းကြပ်ရန် ပြဋ္ဌာန်းထားသဖြင့် အမေရိကန်သို့ တင်ပို့သည့် အင်ဒိုနီးရှား စားအုန်းဆီကြမ်း crude palm oil (CPO) သည် ၎င်းအကောက်ခွန် ၃၂% ပေးဆောင်ရမည် ဖြစ်သဖြင့် တင်ပို့မှု တန့်သွားနိုင်ဖွယ် ရှိသည်ဟု သိရသည်။