ICONSIAM မှာ ဆုန်ခရန် ပွဲတော်ကို ဧပြီလ ၁၀ ရက်ကနေ ၁၆ ရက်နေ့အထိ ကျင်းပမည်

ကမ္ဘာ့ အထင်ကရ တည်နေရာ တစ်ခု ဖြစ်တဲ့ ICONSIAM ဟာ ICONSIAM THAICONIC Songkran Celebration 2025 ကို ပြုလုပ်မှာ ဖြစ်ပါတယ်။ အဲဒီပွဲတော်အတွက် ဒေါ်လာ ၁.၉ သန်း (ဘတ် ၆၅ သန်း) ရင်းနှီးမြှပ်နှံထားပါတယ်။ ICONSIAM ၊ River Park မှာ ဧပြီလ ၁၀ ရက်နေ့ကနေ ၁၆ ရက်နေ့အထိ ကျင်းပမှာ ဖြစ်ပြီး ၇ ရက်ကြာပွဲတော်ကို လည်ပတ်သူ ၁.၄ သန်းကျော် လာရောက်မယ်လို့ ခန့်မှန်းထားပါတယ်။ ပွဲတော်မှာ မဖြစ်မနေ ပါဝင်ဆင်နွှဲသင့်တဲ့ ပွဲအခမ်းအနား ၅ ခုကို ကျင်းပမှာ ဖြစ်ပြီး ထိုင်းဟာ ကမ္ဘာ့ ခရီးသွား နိုင်ငံ ဖြစ်တယ်ဆိုတာ ဆုန်ခရန်ပွဲတော်ကနေ သက်သေပြသမှာ ဖြစ်ပါတယ်။