လက်ရွေးစင်ကစားသမားဟောင်းမျိုးမင်းထွန်းက ၄င်း၏ ဆုတံဆိပ်ကို လေလံတင်ရောင်းချ၍ ငလျင်သင့်ဒေသများသို့ လှူဒါန်းမည်

မြန်မာ့လက်ရွေးစင်ကစားသမားဟောင်းမျိုးမင်းထွန်း၏ ကစားသမားဘဝနှင့်နည်းပြဘဝတွင် ရရှိထားသည့်အကောင်းဆုံး နည်းပြဆုနှင့် ၂၀၀၇ ထိုင်းဆီးဂိမ်း ငွေတံဆိပ်ဆုတို့ကိုလေလံတင်ရောင်းချ၍ ငလျင်သင့်ဒေသများသို့ လှူဒါန်းသွားမည်ဖြစ်ကြောင်း သိရသည်။အဆိုပါ ဆုတံဆိပ်တစ်ခုစီကို လေလံကြမ်းခင်းဈေး ကျပ်သုံးသိန်းစတင် သတ်မှတ်မည်ဖြစ်ကာ ၊ တစ်ကြိမ်တိုးနှုန်း ကျပ်တစ်သောင်းဖြင့်တိုးမြှင့်ခေါ်ယူသွားမည်ဖြစ်ကြောင်းနှင့် လေလံနောက်ဆုံး ပိတ်သိမ်းချိန်ကို ဧပြီလ (၆) ရက် ညနေ (၆)နာရီသတ်မှတ်ထားသည်။