ထိုင်းနိုင်ငံ၊ ဘန်ကောက်မြို့ Huai Kwang ဧရိယာတွင် မော်တော်ဆိုင်ကယ် အငှားယာဉ်မောင်းအဖြစ် တရားမဝင် လုပ်ကိုင်နေသည့် အသက် ၃၂ နှစ်အရွယ် လာအိုနိုင်ငံသားတစ်ဦးကို လူဝင်မှုကြီးကြပ်ရေး အာဏာပိုင်များက ပြည်သူများ၏ သတင်းပေးချက်အရ ဖမ်းဆီးလိုက်ကြောင်း သိရသည်။ အများသူငှာ သယ်ယူပို့ဆောင်ရေး လုပ်ငန်းများ အပါအဝင် ထိုင်း နိုင်ငံသားများအတွက် သီးသန့် အသက်မွေးဝမ်းကျောင်း လုပ်ငန်း ၂၇ ခုတွင် တရားမ၀င် အလုပ်လုပ်ကိုင်မှုဖြင့် အာဏာပိုင်များက ဧပြီလ ၁ ရက် အင်္ဂါနေ့က တရားစွဲဆိုခဲ့သည်။
