မလက္ကာရေလက်ကြားကို ဖြတ်ကျော်ရန် ထိုင်းကဘတ်ထရီလီယံနှင့်ချီသော အစီအစဉ်ဆောင်ရွက်

ထိုင်းနိုင်ငံသည် အိန္ဒိယနှင့် ပစိဖိတ်သမုဒ္ဒရာတို့ကို ချိတ်ဆက်ပေးမည့် ဒေါ်လာဘီလျံပေါင်းများစွာ တန်သော သယ်ယူပို့ဆောင်ရေးစီမံကိန်းအတွက် လမ်း‌ဖောက်ရန် နိုင်ငံ့တောင်ပိုင်းတွင် အထူးစီးပွားရေးဇုန်တစ်ခု တည်ဆောက်ရန် ထိုင်းအစိုးရက ဥပဒေမူကြမ်းကို ထုတ်ဖော်ခဲ့သည်။ အဆိုပါ ဥပဒေကြမ်းသည် ချွန်ဖွန်၊ရာနောင်၊စူရာ့သာနီ နှင့် နာခွန်စီသမ္မာရတ် ပြည်နယ်များရှိ တောင်ပိုင်းစီးပွားရေးစင်္ကြန် ဖွံ့ဖြိုးတိုးတက်ရေး ကိုအရှိန်မြှင့်တင်ရန်အတွက် ကော်မရှင်တစ်ခုကို ဖွဲ့စည်းမည်ဖြစ်ကြောင်း ထိုင်းနိုင်ငံပို့ဆောင်ရေး ဝန်ကြီးဌာန၏ သတင်းထုတ်ပြန်ချက်တစ်ခုအရ သိရသည်။