တောင်ကိုရီးယား လုပ်ငန်းစုကြီး ဟွန်ဒိုင်းသည် အမေရိကန်တွင် အမေရိကန်ဒေါ်လာ ၂၀ ဘီလီယံ ရင်းနှီးမြုပ်နှံမည်ဖြစ်ကြောင်း တနင်္လာနေ့ (မတ် ၂၄)တွင် အမေရိကန်သမ္မတ ဒေါ်နယ်ထရမ့်၊ ဟွန်ဒိုင်း ဥက္ကဋ္ဌ Euisun Chung နှင့် လူဝီစီယားနားပြည်နယ်အုပ်ချုပ်ရေးမှူး Jeff Landry တို့က အိမ်ဖြူတော်၌ ကြေညာသည်။ ဟွန်ဒိုင်းသည် ၎င်းကန်ဒေါ်လာ ၂၀ ဘီလီယံမှ ၅ ဘီလီကို အမေရိကန်နိုင်ငံ လူဝီစီယားနားပြည်နယ်တွင် တနှစ်လျှင် သံမဏိတန်ချိန် ၂.၇ သန်း ထုတ်လုပ်မည့် သံမဏိစက်ရုံအသစ် တရုံကို တည်ဆောက်ရန် ရင်းနှီးမြှုပ်နှံမည်။သံမဏိစက်ရုံသစ်တွင် အလုပ်အကိုင် ၁,၅၀၀ ဝန်းကျင် ရှိမည်။ နောက်မျိုးဆက်သစ် သံမဏိကို ထုတ်လုပ်မည်။ ၎င်းသံမဏိများကို အမေရိကန်ရှိ ဟွန်ဒိုင်း အီးဗီစက်ရုံ ၂ ခုတွင် ကားထုတ်လုပ်ရာ၌ သုံးစွဲမည်။
