နယူးဇီလန်အသင်းသည် ဂျပန်အသင်းပြီးနောက် ဒုတိယမြောက် ခြေစစ်ပွဲအောင်သည့် အသင်း ဖြစ်လာ

၂၀၂၆ ကမ္ဘာ့ဖလားခြေစစ်ပွဲ သမုဒ္ဒရာပိုင်းဇုန် ဗိုလ်လုပွဲတွင် နယူးဇီလန်အသင်းက နယူးကယ်လီဒိုးနီးယားအသင်းကို ၃-၀ ဂိုးဖြင့် အနိုင်ရပြီး ခြေစစ်ပွဲအောင်မြင်ခဲ့သည်။ နယူးဇီလန်အသင်းသည် ၂၀၁၀ ကမ္ဘာ့ဖလားနောက်ပိုင်း တစ်ကျော့ပြန် ခြေစစ်ပွဲ အောင်မြင်ခြင်းဖြစ်ပြီး တတိယအကြိမ်မြောက် ယှဉ်ပြိုင်ခွင့်ရခဲ့သည်။၂၀၂၆ ကမ္ဘာ့ဖလားပြိုင်ပွဲကို ၄၈ သင်းဖြင့် ကျင်းပမည်ဖြစ်သောကြောင့် သမုဒ္ဒရာပိုင်းဇုန် မှာ အလိုအလျောက်ယှဉ်ပြိုင်ခွင့် တစ်နေရာရခဲ့ပြီး ဒုတိယရ နယူးကယ်လီဒိုးနီးယားအသင်းမှာ Inter-confederation play-offs ထပ်မံကစားရမည်ဖြစ်သည်။ နယူးဇီလန်အသင်းသည် ဂျပန်အသင်းပြီးနောက် ဒုတိယမြောက် ခြေစစ်ပွဲအောင်သည့် အသင်း ဖြစ်လာခဲ့သည်။