မိုးသည်းထန်စွာရွာသွန်းမှုကြောင့် ပုသိမ်-ချောင်းသာလမ်းပိုင်းတွင် တောင်ကျရေ ၄ ပေကျော် ကျော်လွန်စီးဆင်းနေ၍ ယာဉ်များသတိပြုမောင်းနှင်ရန် အသိပေး

ဧရာဝတီတိုင်းဒေသကြီး၊ ချောင်းသာမြို့၊ ကံကြီးကျေးရွာအုပ်စု၊ ခြောက်ကောင်ကျေးရွာအနီးရှိ ပုသိမ်-ချောင်းသာ ကားလမ်းမကြီး မိုင်တိုင်အမှတ် ၂၅ မိုင် ၄ ဖာလုံမှ ၂၆ မိုင်အထိ လမ်းပိုင်းတွင် ဇူလိုင် ၁၃ ရက်က မိုးသည်းထန်စွာ ရွာသွန်းမှုကြောင့် လမ်းပေါ်သို့ တောင်ကျရေ ၄ ပေကျော်ခန့်အထိ ကျော်လွန်စီးဆင်းနေကြောင်း သိရသည်။ ထို့ကြောင့် အဆိုပါလမ်းပိုင်းကို ဖြတ်သန်းသွားလာမည့် မော်တော်ယာဉ်များနှင့် ဆိုင်ကယ်များအနေဖြင့် အထူးသတိပြုမောင်းနှင်ကြရန်၊ ရေစီးသန်သည့်နေရာများကို မဖြတ်သန်းမီ အခြေအနေကို သေချာစွာစစ်ဆေးရန်နှင့် လိုအပ်ပါက ခရီးစဉ်ကို ယာယီရှောင်ကွင်းကြရန် သက်ဆိုင်ရာက နှိုးဆော်ထားပြီး၊ ခရီးသွားပြည်သူများအနေဖြင့်လည်း မိုးလေဝသအခြေအနေကို အနီးကပ်စောင့်ကြည့်ကာ ဘေးကင်းလုံခြုံရေးကို ဦးစားပေးဆောင်ရွက်ကြရန် တိုက်တွန်းထားကြောင်း သိရသည်။