တရားမဝင် လျှပ်စစ်ဓာတ်အား သုံးစွဲမှုများရှိပါက ဇူလိုင် ၃၁ ရက် နောက်ဆုံးထား အသိပေးရန် လျှပ်စစ်နှင့်စွမ်းအင်ဝန်ကြီးဌာန နှိုးဆော်

လျှပ်စစ်နှင့်စွမ်းအင်ဝန်ကြီးဌာနက လျှပ်စစ်ဓာတ်အား သုံးစွဲသူပြည်သူများအနေဖြင့် တရားမဝင်နည်းလမ်းများဖြင့် လျှပ်စစ်ဓာတ်အား ရယူသုံးစွဲမှုများရှိပါက ၂၀၂၆ ခုနှစ် ဇူလိုင် ၃၁ ရက် နောက်ဆုံးထား၍ သက်ဆိုင်ရာဌာနများသို့ အသိပေးဆက်သွယ်ကြရန် နှိုးဆော်ပန်ကြားလိုက်သည်။ ဝန်ကြီးဌာနအနေဖြင့် စွမ်းအင်အရင်းအမြစ်မျိုးစုံမှ ဓာတ်အားပိုမိုထုတ်လုပ်နိုင်ရေးနှင့် စနစ်တကျချွေတာသုံးစွဲရေးတို့အတွက် ဆောင်ရွက်လျက်ရှိသည့်အပြင်၊ ဓာတ်အားခိုးယူသုံးစွဲမှုကြောင့် ဖြစ်ပေါ်လာသည့် ဓာတ်အားပျောက်ဆုံးမှုများ လျော့နည်းပပျောက်စေရန် အစီအမံများချမှတ်ကာ မသမာသောနည်းလမ်းဖြင့် တရားမဝင်သုံးစွဲမှုများကို အဖွဲ့များဖွဲ့စည်း၍ ဖော်ထုတ်အရေးယူလျက်ရှိကြောင်း သိရသည်။