တောင်ကိုရီးယားသမိုင်းတွင် ဂျောင်ဆန်းနှင့် ဖိုဟန်းမြို့တို့ ပထမဆုံးအကြိမ် အရေးပေါ်အပူလှိုင်းသတိပေးချက် ထုတ်ပြန်ခဲ့ရ

တောင်ကိုရီးယားနိုင်ငံ မြောက်ဂျောင်ဆန်းပြည်နယ်ရှိ ဂျောင်ဆန်း (Gyeongsan) နှင့် ဖိုဟန်း (Pohang) မြို့တို့အတွက် တနင်္ဂနွေနေ့ နံနက် ၁၀ နာရီတွင် အမြင့်ဆုံးအဆင့်ဖြစ်သော "အရေးပေါ်အပူလှိုင်းသတိပေးချက်" (Heat Wave Emergency Warning) ကို ထုတ်ပြန်ခဲ့ရာ၊ ယင်းသည် အပူလှိုင်းသတိပေးစနစ်ကို စတင်ကျင့်သုံးခဲ့ပြီးနောက်ပိုင်း နိုင်ငံသမိုင်းတွင် ပထမဆုံးအကြိမ် ထုတ်ပြန်ခြင်းဖြစ်သည်။

အဆိုပါ အရေးပေါ်အဆင့် သတိပေးချက်သည် တစ်နေ့တာအတွင်း လူခန္ဓာကိုယ်က အမှန်တကယ်ခံစားရသည့် အပူချိန် (Daily Maximum Perceived Temperature) ၃၅ ဒီဂရီဆဲလ်စီးယပ်စ် သို့မဟုတ် ယင်းထက်ပို၍ နှစ်ရက်ဆက်တိုက် ရှိနေပြီးနောက်၊ ခံစားရသည့်အပူချိန် ၃၈ ဒီဂရီဆဲလ်စီးယပ်စ် သို့မဟုတ် အမှန်တကယ်အပူချိန် ၃၉ ဒီဂရီဆဲလ်စီးယပ်စ်နှင့်အထက်သို့ နောက်ထပ်တစ်ရက် ထပ်မံမြင့်တက်လာနိုင်သည့် အခြေအနေမျိုးတွင် သက်ရောက်ခြင်းဖြစ်သည်။ယခုကဲ့သို့ အပူရှိန် အလွန်အမင်းပြင်းထန်ခြင်းကြောင့် အပူလျှပ်ခြင်း (Heat-related illnesses) ကဲ့သို့သော ကျန်းမာရေးဘေးအန္တရာယ်များ မြင့်မားစွာ ကြုံတွေ့ရနိုင်သဖြင့် ဒေသခံပြည်သူများအနေဖြင့် ပြင်ပလုပ်ငန်းဆောင်တာများကို ချက်ချင်းရပ်နားရန်၊ အမိုးအကာ သို့မဟုတ် အရိပ်ရသောနေရာများသို့ ရွှေ့ပြောင်းနေထိုင်ရန်နှင့် ရေများများသောက်ပြီး အနားယူကြရန် သက်ဆိုင်ရာအာဏာပိုင်များက အလေးအနက် တိုက်တွန်းထားသည်။