ထိုင်းနိုင်ငံ၊Samut Prakan တွင် မိုးသက်လေပြင်းကြောင့် စားသောက်ဆိုင်တစ်ဆိုင် ပြိုကျပျက်စီးပြီး လူအချို့ ထိခိုက်ဒဏ်ရာရရှိ

ထိုင်းနိုင်ငံ၊ Samut Prakan ပြည်နယ်၊ Phra Samut Chedi မြို့နယ်ရှိ ပူးလွန်စားသောက်ဆိုင်တွင် ဇူလိုင်လ ၁၁ ရက် ညနေပိုင်းက လေပြင်းတိုက်ခတ်ပြီး မိုးသည်းထန်စွာရွာသွန်းမှုကြောင့် သက်ကယ်မိုး စားသောက်ဆိုင်အဆောက်အအုံ ပြိုကျပျက်စီးခဲ့ရာ ဆိုင်အတွင်း စားသောက်နေသူများ ထိတ်လန့်တကြား ထွက်ပြေးခဲ့ရပြီး ၄ ဦးမှ ၅ ဦးခန့် ထိခိုက်ဒဏ်ရာရရှိခဲ့သဖြင့် ကယ်ဆယ်ရေးအဖွဲ့များက ရှေးဦးသူနာပြုစုပေးခဲ့ရကြောင်း သိရသည်။ အဆိုပါဖြစ်စဉ်တွင် မိခင်ဖြစ်သူတစ်ဦးက ကလေးဖြစ်သူ ရေထဲပြုတ်ကျသွားသည်ဟု ထင်မှတ်ကာ စိုးရိမ်တကြီး အကူအညီတောင်းခံခဲ့သဖြင့် ဝိုင်းဝန်းရှာဖွေခဲ့ကြသော်လည်း၊ နောက်ပိုင်းတွင် ကလေးမှာ အဆောက်အအုံမပြိုကျမီကတည်းက သန့်စင်ခန်းသို့ သွားရောက်နေခြင်းဖြစ်၍ ဘေးကင်းကြောင်း သိရှိခဲ့ရကာ လက်ရှိတွင် သက်ဆိုင်ရာတာဝန်ရှိသူများနှင့် အရေးပေါ်ကယ်ဆယ်ရေးအဖွဲ့များက လိုအပ်သည့် ကူညီထောက်ပံ့မှုများ ဆောင်ရွက်ပေးလျက်ရှိကြောင်း သိရသည်။