သံလွင်မြစ်ရေသည် ဘားအံမြို့၏ စိုးရိမ်ရေမှတ်ထက် ၄ စင်တီမီတာ ကျော်လွန်ရောက်ရှိလာသဖြင့် မြစ်ကမ်းအနီး နေထိုင်သူများ ကြိုတင်ပြင်ဆင်ရန် နှိုးဆော်ထား

ကရင်ပြည်နယ်၊ ဘားအံမြို့ရှိ သံလွင်မြစ်ရေသည် ဇူလိုင် ၁၁ ရက် ညနေ ၄ နာရီခွဲခန့်မှ စတင်ကာ ၎င်းမြို့၏ စိုးရိမ်ရေမှတ် (၇၅၀) စင်တီမီတာထက် ကျော်လွန်ပြီး (၇၅၄) စင်တီမီတာသို့ ရောက်ရှိနေသဖြင့် မြစ်ကမ်းအနီး အချို့နေရာများတွင် ရေဝင်ရောက်မှုများ စတင်ဖြစ်ပေါ်နေကြောင်း သိရသည်။ ထို့ကြောင့် သက်ဆိုင်ရာ တာဝန်ရှိသူများက မြစ်ကမ်းအနီး နေထိုင်ကြသည့် ပြည်သူများအနေဖြင့် မိုးလေဝသနှင့် ဇလဗေဒညွှန်ကြားမှုဦးစီးဌာန၏ သတိပေးချက်များကို အလေးထားလိုက်နာကာ လိုအပ်သော ကြိုတင်ပြင်ဆင်မှုများ ပြုလုပ်ထားကြရန် အသိပေးနှိုးဆော်ထားကြောင်း သိရသည်။