တရုတ် ၌ “ဘာဗီ” တိုင်ဖွန်းမုန်တိုင်း နီးကပ်လာ၍ လူပေါင်း ၁.၈ သန်းကျော် ဘေးလွတ်ရာသို့ ရွှေ့ပြောင်းပေးရ

ဂျပန်နိုင်ငံတောင်ပိုင်း ဆာခီရှီးမားကျွန်းစုနှင့် ထိုင်ဝမ်မြောက်ပိုင်းတို့ကို လေပြင်းတိုက်ခတ်ခြင်း၊ မိုးသည်းထန်စွာရွာသွန်းခြင်းများနှင့်အတူ ဖြတ်ကျော်လာခဲ့သည့် “ဘာဗီ” (Bavi) တိုင်ဖွန်းမုန်တိုင်းသည် တရုတ်နိုင်ငံအရှေ့ပိုင်း ဝမ်ကျိုးမြို့ဆီသို့ ဦးတည်ရွေ့လျားလာနေသဖြင့် အာဏာပိုင်များက ဇူလိုင်လ ၁၁ ရက်တွင် ဒေသခံပြည်သူ ၁.၈ သန်းကျော်ကို ဘေးလွတ်ရာသို့ အရေးပေါ် ရွှေ့ပြောင်းပေးခဲ့ရသည်။ မုန်တိုင်းသည် အပူချိန်လျော့နည်းနေသော ပင်လယ်ပြင်ကို ဖြတ်သန်းစဉ် အားပျော့ကာ ရွေ့လျားမှု နှေးကွေးသွားသော်လည်း၊ ပြင်သစ်နိုင်ငံတစ်နိုင်ငံစာနီးပါးအထိ ကြီးမားသည့် မုန်တိုင်းအကျယ်အဝန်းအတွင်း အင်မတန်များပြားသော မိုးရေချိန်ပမာဏကို သယ်ဆောင်ထားဆဲဖြစ်၍ အန္တရာယ်ကြီးမားသည့်အဆင့်တွင် ရှိနေသေးသည်။ တရုတ်အမျိုးသားမိုးလေဝသဗဟိုဌာန၏ ထုတ်ပြန်ချက်အရ ဂရင်းနစ်စံတော်ချိန် ၀၈:၀၈ နာရီတွင် မုန်တိုင်းသည် ကျန်းကျန်းပြည်နယ်၊ ဝမ်လင်မြို့၏ အရှေ့တောင်ဘက် ၂၀၀ ကီလိုမီတာ (၁၂၄ မိုင်) အကွာ၌ တည်ရှိနေပြီး၊ အမြင့်ဆုံးလေတိုက်နှုန်းမှာ တစ်နာရီလျှင် ၁၄၄ ကီလိုမီတာရှိကာ ဆက်ဖာ-ဆင်မ်ဆင် ဟာရီကိန်းစံနှုန်း (Saffir-Simpson Scale) အရ အဆင့် ၁ ရှိသော ဟာရီကိန်းမုန်တိုင်းအဆင့်နှင့် ညီမျှနေကြောင်း သိရသည်။