ရန်ကုန်အထိုင် စားအုန်းဆီအခြေခံလက်ကားရည်ညွှန်းဈေး ယခင်အပတ်ထက် ၁၅ ကျပ်ကျဆင်းကာ တစ်ပိဿာ ၇,၂၃၀ ကျပ်ဖြစ်ကြောင်း ထုတ်ပြန်

စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ ယနေ့ (ဇူလိုင် ၁၀ ရက်) ထုတ်ပြန်ချက်အရ ဇူလိုင် ၁၀ ရက်မှ ဇူလိုင် ၁၆ ရက်အထိ တစ်ပတ်စာ ရန်ကုန်အထိုင် စားအုန်းဆီအခြေခံလက်ကားရည်ညွှန်းဈေးနှုန်းကို တစ်ပိဿာလျှင် ၇,၂၃၀ ကျပ်အဖြစ် သတ်မှတ်လိုက်သောကြောင့် ယခင်အပတ် (ဇူလိုင် ၃ ရက်မှ ၉ ရက်အထိ) ဈေးနှုန်းထက် ၁၅ ကျပ် လျော့ကျလာကြောင်း သိရသည်။ ယခုကဲ့သို့ ရည်ညွှန်းဈေးနှုန်းကို အပတ်စဉ်ထုတ်ပြန်ပေးခြင်းမှာ ပြည်ပဈေးကွက်အတွင်း စားအုန်းဆီဈေးနှုန်းဖြစ်ပေါ်မှုများအပေါ် အခြေခံ၍ ပြည်တွင်းရှိ စားသုံးသူများအနေဖြင့် ဘေးအန္တရာယ်ကင်းရှင်းပြီး သင့်တင့်မျှတသောဈေးနှုန်းဖြင့် ဝယ်ယူစားသုံးနိုင်ရန်နှင့် ပြည်တွင်းလိုအပ်ချက်များကို ဖြည့်ဆည်းပေးနိုင်ရန်အတွက် ဖြစ်ကြောင်း သိရသည်။