ဂျပန်နိုင်ငံက စစ်ရေယာဉ် ၅ စီးကို ဖိလစ်ပိုင်နိုင်ငံသို့ လွှဲပြောင်းပေးခဲ့

ဖိလစ်ပိုင်နိုင်ငံသည် ဂျပန်နိုင်ငံအစိုးရထံမှ တပ်တော်သိမ်း (အနားပေး) တော့မည့် အဘူကူမာအဆင့် (Abukuma-class) ဖျက်သင်္ဘောရန်သူတိုက်စစ်ကူ စစ်ရေယာဉ် ၅ စီးကို လာမည့် ၂ နှစ်မှ ၃ နှစ်အတွင်း လွှဲပြောင်းရယူသွားမည်ဖြစ်ကြောင်း ဖိလစ်ပိုင်အမျိုးသားကာကွယ်ရေးဝန်ကြီး ဂီလ်ဘာတို တီအိုဒိုရို (Gilberto Teodoro Jr.) က အတည်ပြုပြောကြားခဲ့သည်။ အဆိုပါစစ်ရေယာဉ်များ လွှဲပြောင်းပေးရေး အစီအစဉ်သည် ဂျပန်နိုင်ငံ၏ တရားဝင်လုံခြုံရေးအကူအညီ (Official Security Assistance - OSA) အစီအစဉ်အောက်မှ လုပ်ဆောင်ခြင်းဖြစ်ပြီး ယခုအခါ စီမံခန့်ခွဲမှုဆိုင်ရာ အသေးစိတ်အချက်အလက်များကိုသာ အပြီးသတ်ရန် ကျန်ရှိတော့သည်။ တန်ချိန် ၂,၀၀၀ ရှိပြီး ရေငုပ်သင်္ဘောဖျက်စစ်ဆင်ရေးနှင့် ကမ်းရိုးတန်းစောင့်ကြည့်ရေးအတွက် အားကောင်းသော ဤစစ်ရေယာဉ်ကြီး ၅ စီးကို လွှဲပြောင်းပေးအပ်ခြင်းအားဖြင့် တောင်တရုတ်ပင်လယ်အတွင်း တရုတ်နိုင်ငံ၏ စစ်ရေးလှုပ်ရှားမှုများ ပိုမိုပြင်းထန်လာနေချိန်တွင် ဖိလစ်ပိုင်ရေတပ်၏ စွမ်းရည်ကို သိသိသာသာ မြှင့်တင်ပေးနိုင်မည်ဖြစ်ပြီး နှစ်နိုင်ငံအကြား မဟာဗျူဟာမြောက် လုံခြုံရေးပူးပေါင်းဆောင်ရွက်မှုကို ပိုမိုခိုင်မာစေမည်ဖြစ်ကြောင်း သိရသည်။