မလေးရှားနိုင်ငံတွင် ၂၀၃၀ ပြည့်နှစ်အရောက်၌ လျှပ်စစ်ကား (EV) အားသွင်းရုံပေါင်း ၃၀,၀၀၀ တည်ဆောက်ရန် ရည်မှန်းချက်ချမှတ်

မလေးရှား ရင်းနှီးမြှပ်နှံမှု၊ ကုန်သွယ်ရေးနှင့် စက်မှုဝန်ကြီးဌာန (MITI) ၏ ဒုတိယဝန်ကြီး ဆင်ဇီစင် (Sim Tze Tzin) က နိုင်ငံအတွင်း ဖန်လုံအိမ်ဓာတ်ငွေ့ထုတ်လွှတ်မှု သုညအဆင့် (Net Zero Emissions) ဖြစ်ပေါ်လာစေရေး ဆောင်ရွက်ရာတွင် ၂၀၃၀ ပြည့်နှစ်၌ တစ်နိုင်ငံလုံးအတိုင်းအတာဖြင့် လျှပ်စစ်ကား (EV) အားသွင်းရုံ (Charging Points) ပေါင်း ၃၀,၀၀၀ တည်ဆောက်ရန် အစိုးရက ရည်မှန်းချက်အသစ် ချမှတ်ထားကြောင်း လွှတ်တော် (Dewan Rakyat) တွင် ယနေ့ ပြောကြားခဲ့သည်။ မလေးရှားနိုင်ငံသည် ယခင်က ၂၀၂၅ ခုနှစ်တွင် အားသွင်းရုံ ၁၀,၀၀၀ ပြည့်မီရန် ရည်မှန်းခဲ့သော်လည်း ၂၀၂၅ ခုနှစ်ကုန်တွင် ၅,၆၂၄ ရုံသာ တည်ဆောက်နိုင်ခဲ့သဖြင့် ယခုကဲ့သို့ ရည်မှန်းချက်ကို ပြန်လည်ပြင်ဆင် ကာလတိုးမြှင့်ခဲ့ခြင်းဖြစ်သည်။ အစိုးရအနေဖြင့် အားသွင်းရုံများအတွက် လုံလောက်သော လျှပ်စစ်ဓာတ်အား ထောက်ပံ့ပေးနိုင်ရန် အမျိုးသားလျှပ်စစ်ကုမ္ပဏီ Tenaga Nasional Berhad (TNB) နှင့် ပူးပေါင်းကာ ဓာတ်အားခွဲရုံများ တိုးချဲ့တည်ဆောက်နေပြီး၊ အားသွင်းရုံ လည်ပတ်မည့် လုပ်ငန်းရှင်များ (CPOs) ပိုမိုတိုးပွားလာစေရန်အတွက်လည်း အခွန်ကင်းလွတ်ခွင့် အပါအဝင် ထပ်ဆောင်း မက်လုံးများနှင့် မူဝါဒများကို ညှိနှိုင်းဆွေးနွေးလျက်ရှိကြောင်း သိရသည်။