ဗီယက်နမ် - မြန်မာ ခြေစမ်းပွဲအတွက် ကွင်းဝင်ကြေးလက်မှတ်နှုန်းထားများကို ဗီယက်နမ်ဘောလုံးအဖွဲ့ချုပ် (VFF) ထုတ်ပြန်

ဗီယက်နမ်ဘောလုံးအဖွဲ့ချုပ် (VFF) သည် လာမည့် ဇူလိုင်လ ၁၈ ရက်တွင် ဗီယက်နမ်နိုင်ငံ ထရန်ငုရင်ကွင်း၌ ယှဉ်ပြိုင်ကစားမည့် ဗီယက်နမ်နှင့် မြန်မာ့လက်ရွေးစင်အသင်းတို့၏ ဖီဖာအသိအမှတ်ပြု နိုင်ငံတကာခြေစမ်းပွဲအတွက် ကွင်းဝင်ကြေးလက်မှတ်ဈေးနှုန်းများကို ဗီယက်နမ်ဒေါင် ၁၀၀၀၀၀၊ ၂၀၀၀၀၀ နှင့် ၃၀၀၀၀၀ ဟု သတ်မှတ်ကာ ဇူလိုင် ၈ ရက်မှ ၁၁ ရက်အထိ ကြိုတင်ရောင်းချပေးသွားမည်ဖြစ်ကြောင်း ထုတ်ပြန်လိုက်သည်။ အဆိုပါခြေစမ်းပွဲမှာ နှစ်သင်းစလုံးအတွက် ၂၀၂၆ အာဆီယံဟွန်ဒိုင်းဖလားပြိုင်ပွဲအတွက် ပြင်ဆင်ခြင်းဖြစ်ပြီး၊ မြန်မာအသင်းအနေဖြင့် ဖိလစ်ပိုင်သုံးနိုင်ငံဖိတ်ခေါ်ဖလားပြိုင်ပွဲအပြီး ဇွန် ၁၈ ရက်ကတည်းက လေ့ကျင့်မှုများ ပြန်လည်စတင်နေခြင်းဖြစ်သည်။ နှစ်သင်းစလုံးသည် ပြီးခဲ့သည့် ၂၀၂၄ ခုနှစ် အာဆီယံချန်ပီယံရှစ်ပြိုင်ပွဲတွင် နောက်ဆုံးတွေ့ဆုံခဲ့စဉ်က ဗီယက်နမ်က ၅ ဂိုးပြတ်ဖြင့် အနိုင်ရရှိခဲ့ဖူးပြီး၊ လာမည့် ၂၀၂၆ အာဆီယံဟွန်ဒိုင်းဖလားပြိုင်ပွဲတွင် မြန်မာအသင်းသည် အုပ်စု (B) ၌ ထိုင်း၊ မလေးရှား၊ ဖိလစ်ပိုင်၊ လာအိုတို့နှင့်အတူ ကျရောက်နေကြောင်း သိရသည်။