ကရင်ပြည်နယ်ရှိ သံလွင်မြစ်ရေ (၄၈) နာရီအတွင်း ဘားအံမြို့၏ စိုးရိမ်ရေမှတ်သို့ ရောက်ရှိ

ကရင်ပြည်နယ်ရှိ သံလွင်မြစ်ရေသည် လာမည့် (၄၈) နာရီအတွင်း ဘားအံမြို့၏ စိုးရိမ်ရေမှတ်သို့ ရောက်ရှိနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့ (ဇူလိုင် ၈ ရက်) မွန်းလွဲ ၂ နာရီတွင် သတိပေးချက် ထုတ်ပြန်လိုက်သည်။ လက်ရှိအချိန်တွင် သံလွင်မြစ်ရေသည် ဘားအံမြို့၏ စိုးရိမ်ရေမှတ်အောက် (၁) ပေခွဲခန့်တွင် ရောက်ရှိနေသည့်အတွက် ဘားအံမြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းဒေသများတွင် နေထိုင်ကြသူများအနေဖြင့် မြစ်ရေမြင့်တက်လာမှုအခြေအနေကို ကြိုတင်သတိပြုရန်နှင့် လိုအပ်ပါက အချိန်မီဘေးလွတ်ရာသို့ ရွှေ့ပြောင်းရှောင်ရှားနိုင်ကြရန် မိုးဇလက တိုက်တွန်းနှိုးဆော်ထားကြောင်း သိရသည်။