မလေးရှားနိုင်ငံတစ်ဝန်းတွင် ဒူးရင်းသီးများ အလျှံပယ်ထွက်ရှိပြီး ဈေးနှုန်းကျဆင်းနေမှုကြောင့် ရေရှည်တည်တံ့သော ဈေးကွက်ရရှိရန် ရုန်းကန်နေရသည့် ဂျိုဟိုးပြည်နယ်ရှိ ဒူးရင်းစိုက်တောင်သူများအား လာမည့်လ ပေကျင်းခရီးစဉ်အတွင်း တရုတ်ဝန်ကြီးချုပ် လီကျင်း (Li Qiang) ထံ တင်ပြအကူအညီတောင်းခံပေးမည်ဖြစ်ကြောင်း မလေးရှားဝန်ကြီးချုပ် အန်ဝါ အီဘရာဟင်မ် (Anwar Ibrahim) က ကတိပြုပြောကြားခဲ့သည်။ ဂျိုဟိုးပြည်နယ် ရွေးကောက်ပွဲအတွက် နှစ်ရက်ကြာ မဲဆွယ်စည်းရုံးရေးခရီးစဉ်အတွင်း ဒူးရင်းခူးဆွတ်ချိန်၌ ဈေးကွက်အတွင်း အသီးများ ဗုံးဗလအော ဝင်ရောက်လာမှုကြောင့် ဈေးပေါပေါဖြင့် ရောင်းချနေရသည်ဟု တောင်သူများ၏ ညည်းညူတင်ပြချက်အပေါ် ဝန်ကြီးချုပ်က ထိုကဲ့သို့ တုံ့ပြန်ပြောဆိုခဲ့ခြင်းဖြစ်ကြောင်း သိရသည်။
