လာအိုနိုင်ငံ၌ မြစ်ရေမြင့်တက်မှုနှင့် ရေကြီးမည့်အန္တရာယ်များအတွက် ကြိုတင်ပြင်ဆင်နေ

တိုင်ဖုန်းမုန်တိုင်း မေဆတ် (Typhoon Maysak) ကြောင့် တရုတ်နိုင်ငံတောင်ပိုင်း ကွမ်ရှီး (Guangxi) ဒေသတွင် မိုးသည်းထန်စွာရွာသွန်းပြီး ဇူလိုင်လ ၆ ရက်နေ့က လျူလန် (Liulan) ဆည် အပါအဝင် ရေလှောင်တမံအချို့ ကျိုးပေါက်မှုဖြစ်ပွားကာ လူဦးရေ ၅၅,၀၀၀ ကျော် ရေဘေးသင့်ခဲ့ရသည်။ ဤအခြေအနေသည် မဲခေါင်မြစ်ဝှမ်းတစ်လျှောက်ရှိ အိမ်နီးချင်း လာအိုနိုင်ငံသို့ သက်ရောက်မှုရှိလာနိုင်သဖြင့် လာအို မိုးလေဝသနှင့် ဇလဗေဒညွှန်ကြားမှုဦးစီးဌာနက နိုင်ငံမြောက်ပိုင်းပြည်နယ်များ (အထူးသဖြင့် ဘိုခေအိုနှင့် ဖွန်ဆာလီ) တွင် လျှပ်တစ်ပြက်ရေကြီးခြင်း၊ မြစ်ရေလျှံခြင်းနှင့် မြေပြိုခြင်းအန္တရာယ်များအတွက် အရေးပေါ်သတိပေးချက် ထုတ်ပြန်ထားသည်။ မုတ်သုံလေအားကောင်းမှုကြောင့် လာအိုနိုင်ငံအတွင်း ဆက်လက်မိုးသည်းထန်နိုင်ပြီး မြစ်ရေများ စိုးရိမ်ရေမှတ်အထက် မြင့်တက်လာနိုင်သဖြင့် မြစ်ကမ်းနားနှင့် မြေနိမ့်ပိုင်းဒေသရှိ ပြည်သူများအနေဖြင့် ဘေးလွတ်ရာသို့ ရွှေ့ပြောင်းရန်နှင့် အရေးကြီးပစ္စည်းများကို ကြိုတင်ပြင်ဆင်ထားကြရန် တာဝန်ရှိသူများက နှိုးဆော်ထားကြောင်း သိရသည်။