လာအိုနိုင်ငံ လောင်စာဆီပြတ်လပ်မှုအကျပ်အတည်းကို တရုတ် EV ကုမ္ပဏီများနှင့် ပူးပေါင်း၍ လျှပ်စစ်ကားများဖြင့် တော်လှန်ကျော်လွှား

အရှေ့အလယ်ပိုင်းဒေသ မတည်ငြိမ်မှုများကြောင့် ကမ္ဘာတစ်ဝန်း စွမ်းအင်နှင့် လောင်စာဆီအကျပ်အတည်း ဖြစ်ပွားခဲ့ရာတွင် လာအိုနိုင်ငံသည်လည်း ရိုက်ခတ်မှုကို သိသိသာသာ ခံခဲ့ရသည်။ ထိုစဉ်က လာအိုအစိုးရသည် နိုင်ငံခြားငွေ ယိုဖိတ်မှုကို ထိန်းချုပ်ရန် ဆီသုံးမော်တော်ကားအသစ်များ တင်သွင်းမှုကို ပိတ်ပင်ကန့်သတ်ခဲ့ပြီး ပြည်တွင်းဆီပြတ်လပ်မှုကို ကုစားရန် ကြိုးပမ်းခဲ့သည်။ အဆိုပါ လောင်စာဆီစိန်ခေါ်မှုကို ကျော်လွှားရန်အတွက် လာအိုနိုင်ငံသည် အိမ်နီးချင်း တရုတ်နိုင်ငံမှ လျှပ်စစ်ကား (EV) ကုမ္ပဏီကြီးများနှင့် မဟာဗျူဟာမြောက် မြန်ဆန်စွာ ညှိနှိုင်းဆွေးနွေးကာ ပြည်တွင်း၌ လျှပ်စစ်ကား အလုံးအရင်း ပြောင်းလဲအသုံးပြုရေး မူဝါဒကို အားစိုက်တွန်းအားပေးခဲ့ရာ လက်ရှိတွင် လာအိုနိုင်ငံတစ်ဝန်း၌ လျှပ်စစ်ကားများ လျင်မြန်စွာ ခေတ်စားအောင်မြင်လာခဲ့ကြောင်း သိရသည်။