ဗင်နီဇွဲလား အင်အားပြင်းငလျင်ကြောင့် သေဆုံးသူ ၃,၀၀၀ နီးပါးအထိ မြင့်တက်လာပြီး ကယ်ဆယ်ရေးလုပ်ငန်းများ ရုပ်သိမ်းရန် ပြင်ဆင်နေ

ဗင်နီဇွဲလားနိုင်ငံတွင် ဇွန်လ ၂၄ ရက်က ပြင်းအား ၇.၂ နှင့် ၇.၅ ရှိသော အင်အားပြင်းငလျင်ညီနောင် စက္ကန့်ပိုင်းခြား၍ လှုပ်ခတ်ခဲ့မှုကြောင့် နောက်ဆုံးရရှိသော တရားဝင်စာရင်းများအရ သေဆုံးသူ ၂,၉၅၄ ဦး (သောကြာနေ့ထက် ၃၀၀ နီးပါး တိုးလာ) နှင့် ဒဏ်ရာရရှိသူ ၁၆,၀၀၀ အထိ ရှိလာကြောင်း အေအက်ဖ်ပီ (AFP) သတင်းအရ သိရသည်။ ငလျင်ကြောင့် သောင်းနှင့်ချီသော အဆောက်အအုံများ ပြိုကျပျက်စီးကာ လူထောင်ပေါင်းများစွာ ပျောက်ဆုံးနေဆဲဖြစ်ပြီး၊ ငလျင်လှုပ်ခတ်ပြီးနောက် ၁၀ ရက်မြောက် ဖြစ်လာသည့်အတွက် အသက်ရှင်ကျန်ရစ်သူ ရှာဖွေရေးအတွက် အရေးပါသော ရွှေရောင်အချိန် ၇၂ နာရီ ကျော်လွန်သွားပြီဖြစ်၍ ကယ်ဆယ်ရေးအဖွဲ့များက ရှာဖွေရေးလုပ်ငန်းများကို လက်စသတ်ရန် ပြင်ဆင်နေကြပြီ ဖြစ်သည်။ သို့သော်လည်း ယခုသီတင်းပတ်အတွင်း အပျက်အစီးများအောက်မှ အချို့သောလူများကို အသက်ရှင်လျက် အံ့ဩဖွယ် ကယ်ဆယ်နိုင်ခဲ့မှုများ ရှိခဲ့ပြီး၊ ကျန်ရစ်သူ မိသားစုဝင်များကမူ ပျောက်ဆုံးနေဆဲဖြစ်သည့် ၎င်းတို့၏ ချစ်ခင်ရသူများကို ပြန်လည်တွေ့ရှိရန် မျှော်လင့်ချက်ဖြင့် အပျက်အစီးများအောက်တွင် ဆက်လက်ရှာဖွေနေကြကြောင်း သိရသည်။