ဂျပန်နိုင်ငံတွင် "အိုရှီခတ်ဆု" (Oshikatsu) ပရိသတ်စီးပွားရေး အရှိန်အဟုန်ပြင်းစွာ တိုးတက်လာပြီး စားသုံးသူကဏ္ဍကို မောင်းနှင်နေ

ဂျပန်နိုင်ငံတွင် မိမိနှစ်သက်ရာ အနုပညာရှင်၊ အန်နီမေးရှင်းဇာတ်ကောင် သို့မဟုတ် အားကစားသမားကို တက်ကြွစွာ အားပေးထောက်ခံသည့် "အိုရှီခတ်ဆု" (Oshikatsu) ယဉ်ကျေးမှုသည် နိုင်ငံ၏ စားသုံးသူစီးပွားရေးကဏ္ဍတွင် အဓိကမောင်းနှင်အားတစ်ခု ဖြစ်လာသည်။ ဤလှုပ်ရှားမှုသည် အမှတ်တရပစ္စည်းများ ဝယ်ယူခြင်း၊ ဖျော်ဖြေပွဲများနှင့် ပွဲလမ်းသဘင်များသို့ သွားရောက်ခြင်း၊ မိမိတို့နှစ်သက်သူ၏ ကိုယ်စားပြုအရောင်အတိုင်း ဝတ်ဆင်စားသောက်ခြင်း စသည်တို့ ပါဝင်ပြီး ဂျပန်လူငယ်နှင့် လူလတ်ပိုင်း အများအပြားသည် မိမိတို့၏ "အိုရှီ" (Oshi) အတွက် သုံးစွဲရန် ပိုမိုဆန္ဒရှိကြသည်။ လက်ရှိတွင် ကုန်ထုတ်လုပ်ငန်းများ၊ ဟိုတယ်များနှင့် ခရီးသွားလုပ်ငန်းများပါမကျန် ဤပရိသတ်စီးပွားရေး (Fan Economy) ကို ပစ်မှတ်ထားကာ သီးသန့်ထုတ်ကုန်များနှင့် ဝန်ဆောင်မှုများကို တိုးချဲ့လုပ်ကိုင်လာကြသဖြင့် ဂျပန်စီးပွားရေးကို တစ်ဖက်တစ်လမ်းမှ များစွာအထောက်အကူပြုလျက်ရှိကြောင်း သိရသည်။