ရန်ကုန်၌ ပထမဆုံးအကြိမ် ‘YRYEA NextGen Career Fair 2026’ အသက်မွေးဝမ်းကျောင်းဆိုင်ရာပြပွဲ ကျင်းပ

ရန်ကုန်မြို့ရှိ အလုပ်အကိုင်ရှာဖွေသူ လူငယ်များအတွက် ပထမဆုံးအကြိမ် အသက်မွေးဝမ်းကျောင်းဆိုင်ရာပြပွဲ (YRYEA NextGen Career Fair 2026) ကို ရန်ကုန်မြို့ ဆီဒိုးနားဟိုတယ်၌ ဇူလိုင်လ ၄ ရက်နေ့မှ ၅ ရက်နေ့အထိ နှစ်ရက်တိုင်တိုင် စတင်ကျင်းပလျက်ရှိသည်။ အဆိုပါပြပွဲကို ရန်ကုန်တိုင်းဒေသကြီး လူငယ်စွန့်ဦးတီထွင်လုပ်ငန်းရှင်များအသင်း (YRYEA) က ကြီးမှူးကျင်းပခြင်းဖြစ်ပြီး၊ ကုမ္ပဏီနှင့် အဖွဲ့အစည်းပေါင်း ၇၀ ကျော်က နယ်ပယ်စုံမှ အလုပ်အကိုင် အခွင့်အလမ်းများကို ပါဝင်ပြသထားကြသည်။ ပြပွဲသို့ လာရောက်သူများအနေဖြင့် ကုမ္ပဏီများထံ CV ဖောင်များ တိုက်ရိုက်ပေးပို့ လျှောက်ထားနိုင်ခြင်း၊ ကျွမ်းကျင်သူများ၏ CV Review ဝန်ဆောင်မှု ရယူနိုင်ခြင်း၊ အလုပ်အင်တာဗျူး တိုက်ရိုက်ဖြေဆိုနိုင်ခြင်းတို့အပြင် အလုပ်သမားမှတ်ပုံတင်ခြင်းနှင့် စကားဝိုင်းဆွေးနွေးပွဲများတွင်လည်း တစ်နေရာတည်း၌ ပါဝင်တက်ရောက်နိုင်ကြောင်း သိရသည်။