Travel and Tour World က ထုတ်ပြန်သည့် ၂၀၂၆ ခုနှစ်အတွက် ကမ္ဘာ့အကောင်းဆုံး ဆေးဘက်ဆိုင်ရာ ခရီးသွားလုပ်ငန်းနေရာ ၅၀ စာရင်းတွင် ထိုင်းနိုင်ငံက တူရကီနိုင်ငံ၏နောက် ဒုတိယနေရာကို ဆွတ်ခူးရရှိခဲ့ပြီး အိန္ဒိယ၊ မက္ကဆီကိုနှင့် တောင်ကိုရီးယားနိုင်ငံတို့က ထိပ်တန်း ၅ နိုင်ငံစာရင်းတွင် အစဉ်လိုက် ရပ်တည်နေကြောင်း သိရသည်။ ယုံကြည်စိတ်ချရသော စောင့်ရှောက်မှု၊ ခေတ်မီနည်းပညာ၊ သင့်တင့်သောဈေးနှုန်းနှင့် စောင့်ဆိုင်းရချိန် တိုတောင်းမှု စသည့်အချက်များအပေါ် အခြေခံ၍ အဆင့်သတ်မှတ်ခြင်းဖြစ်ပြီး၊ ထိုင်းနိုင်ငံအနေဖြင့် ယခုကဲ့သို့ ဒုတိယနေရာ ရရှိခြင်းသည် ၎င်း၏ အဆင့်မြင့်ဆေးရုံများ၊ ကျွမ်းကျင်အထူးကုများနှင့် ကောင်းမွန်သော အခြေခံအဆောက်အအုံများကြောင့် ကမ္ဘာ့အကောင်းဆုံး ဆေးဘက်ဆိုင်ရာ ဗဟိုချက်တစ်ခု ဖြစ်လာခြင်းကို ထင်ဟပ်နေကြောင်း သိရသည်။
