စပါးအသင်းသည် နယူးကာဆယ်အသင်း၏ အီတလီလက်ရွေးစင်ကွင်းလယ်လူ တိုနာလီကို ကလပ်စံချိန်တင်ပြောင်းရွှေ့ကြေး ပေါင် သန်း ၁၀၀ ဖြင့် ခေါ်ယူရန် သဘောတူညီမှု ရရှိခဲ့ပြီဖြစ်ကြောင်း သိရသည်။ အစောပိုင်းက စပါးအသင်း၏ ပေါင် သန်း ၈၀ ဖြင့် ကမ်းလှမ်းမှုကို နယူးကာဆယ်အသင်းက ငြင်းဆန်ခဲ့သော်လည်း ယခုအခါတွင် ကနဦးပြောင်းရွှေ့ကြေး ပေါင် ၉၂.၅ သန်းနှင့် Add-ons ကြေး ပေါင် ၇.၅ သန်း (စုစုပေါင်း ပေါင် သန်း ၁၀၀) ဖြင့် နှစ်ဦးနှစ်ဖက် သဘောတူညီမှု ရရှိသွားခဲ့ခြင်း ဖြစ်သည်။စပါးအသင်းသည် ပြီးခဲ့သည့်ရက်ပိုင်းကလည်း ဝက်စ်ဟမ်းကွင်းလယ်လူ မာတီးယပ်စ်ဖာနန်ဒက်စ်ကို ပေါင် ၈၅ သန်းဖြင့် ခေါ်ယူရန် သဘောတူညီမှု ရရှိထားခဲ့သဖြင့် အသက် ၂၆ နှစ်အရွယ် တိုနာလီ၏ အပြောင်းအရွှေ့သည် စပါးအသင်းအတွက် ယခုတစ်ပတ်အတွင်း ဒုတိယအကြိမ်မြောက် ကလပ်စံချိန်တင်ပြောင်းရွှေ့ကြေး ဖြစ်လာခဲ့သည်။ နယူးကာဆယ်အသင်းသည် တိုနာလီကို ပြီးခဲ့သည့် ၂၀၂၃ ခုနှစ်က အေစီမီလန်အသင်းထံမှ ပေါင် ၅၅ သန်းပေးချေ၍ ခေါ်ယူခဲ့ခြင်းဖြစ်ကြောင်း သိရသည်။
