တောင်ကိုရီးယားလူမျိုးများ စစ်တမ်းအရ နေ့ချင်းပြန်ခရီးများအစား ညအိပ်ခရီးစဉ်များကို ပိုမိုရွေးချယ်လာဟုဆို

တောင်ကိုရီးယား ယဉ်ကျေးမှု၊ အားကစားနှင့် ခရီးသွားလာရေးဝန်ကြီးဌာန၏ အမျိုးသားခရီးသွားလာမှု စစ်တမ်းအရ ကိုရီးယားနိုင်ငံသားများသည် ပြည်တွင်းခရီးစဉ်များတွင် နေ့ချင်းပြန်သွားလာခြင်းထက် ညအိပ်ညနေ ခရီးတို (Overnight getaways) သွားရောက်သည့် ပုံစံသို့ သိသာစွာ ပြောင်းလဲလာကြသည်။ပြီးခဲ့သည့်နှစ် ပြည်တွင်းခရီးသွားလာမှု စာရင်းများအရ အနည်းဆုံး တစ်ညအိပ်ပါဝင်သည့် ခရီးစဉ်နှုန်းသည် ၄၀ ရာခိုင်နှုန်းမှ ၄၁.၃ ရာခိုင်နှုန်းအထိ မြင့်တက်လာခဲ့သည်။ အထူးသဖြင့် ဆိုးလ်မြို့ပြဧရိယာပြင်ပရှိ ဒေဂျွန်း၊ ဂန်ဝမ်နှင့် ဂျိုလာမြောက်ပိုင်း ပြည်နယ်များသို့ သွားရောက်မှု ပိုမိုများပြားလာသည်။ ဤကဲ့သို့ ညအိပ်ခရီးစဉ်များ တိုးလာခြင်းကြောင့် ဒေသတွင်း စားသောက်ဆိုင်၊ တည်းခိုခန်းနှင့် လည်ပတ်စရာနေရာများတွင် အသုံးစရိတ် ပိုမိုမြင့်မားလာပြီး ဒေသန္တရစီးပွားရေးကို ပိုမိုဖွံ့ဖြိုးလာစေကြောင်း သိရသည်။