တောင်ကိုရီးယားစတော့ဈေးကွက်ကောင်းမွန်မှုနှင့် ဝင်ငွေမြင့်တက်လာမှုကြောင့် မေလတွင် အခွန်ရရှိမှု ၁၉ ရာခိုင်နှုန်း တိုးလာ

တောင်ကိုရီးယား ဘဏ္ဍာရေးနှင့် စီးပွားရေးဝန်ကြီးဌာန၏ ထုတ်ပြန်ချက်အရ ပြီးခဲ့သည့် မေလအတွင်း အစိုးရ၏ အမျိုးသားအခွန်ကောက်ခံရရှိမှုသည် ဝမ် ၃၅.၈ ထရီလီယံ (အမေရိကန်ဒေါ်လာ ၂၃.၂ ဘီလီယံ) ရှိခဲ့သည်။ ဤပမာဏသည် ယခင်နှစ်ကာလတူထက် ၁၉ ရာခိုင်နှုန်းခန့် သိသာစွာ မြင့်တက်လာခြင်း ဖြစ်သည်။ယခုကဲ့သို့ အခွန်ဘတ်ဂျက် ပိုမိုရရှိလာခြင်းမှာ ပြည်သူများ၏ လုပ်ခလစာနှင့် စွမ်းဆောင်ရည်ဆုကြေး (Bonus) များ မြင့်တက်လာခြင်းကြောင့် တစ်ကိုယ်ရေဝင်ငွေခွန် ကောက်ခံရရှိမှု တိုးပွားလာခြင်းကြောင့် ဖြစ်သည်။ ထို့ပြင် စတော့ဈေးကွက် အခြေအနေ ကောင်းမွန်နေခြင်း၊ ပြည်ပစတော့ရှယ်ယာများမှ အမြတ်အစွန်းရရှိမှုနှင့် အိမ်ခြံမြေ အရောင်းအဝယ် တိုးတက်လာခြင်းတို့ကလည်း အခွန်တိုးလာစေရန် အဓိက တွန်းအားပေးခဲ့သည်။ စုစုပေါင်းအနေဖြင့် ယခုနှစ် ပထမ ၅ လအတွင်း အခွန်ရရှိမှုသည် ဝမ် ၁၉၉.၉ ထရီလီယံအထိ ရှိလာခဲ့ပြီး ယခင်နှစ်ထက် ဝမ် ၂၇.၅ ထရီလီယံ ပိုမိုရရှိထားကြောင်း သိရသည်။