ဂျပန်ရှိ Godiva Japan ကုမ္ပဏီ ချေးငွေဆပ်ရမည့် သက်တမ်းကို ဘဏ်များက ၉ လ ထပ်တိုးပေးရန် သဘောတူ

ဂျပန်နိုင်ငံရှိ နာမည်ကြီး ဇိမ်ခံချောကလက်လုပ်ငန်း Godiva Japan ၏ ငွေချေးသူ ဘဏ်ပေါင်း ၂၅ ခု (MUFG ဘဏ်နှင့် SMBC ဘဏ် အပါအဝင်) က ကုမ္ပဏီ၏ အမေရိကန်ဒေါ်လာ ၄၆၃ သန်း (ယန်း ၇၅ ဘီလီယံ) ခန့်ရှိသော ချေးငွေပြန်ဆပ်ရမည့် သက်တမ်းကို ၉ လ ထပ်မံတိုးမြှင့်ပေးရန် သဘောတူညီခဲ့ကြသည်။ ယခုဇွန်လကုန်တွင် သက်တမ်းပြည့်မည့် အဆိုပါချေးငွေများကို လာမည့် ၂၀၂၇ ခုနှစ် မတ်လအထိ ဆိုင်းငံ့ပေးလိုက်ခြင်း ဖြစ်သည်။Godiva Japan သည် ကိုဗစ်-၁၉ ကပ်ရောဂါအပြီး ဈေးကွက်ချဲ့ထွင်မှုများ မအောင်မြင်ခဲ့ခြင်းနှင့် ပြိုင်ဆိုင်မှု ပြင်းထန်လာခြင်းတို့ကြောင့် ၂၀၂၅ ခုနှစ်တွင် ယန်း ၃၀ ဘီလီယံခန့် အသားတင်ရှုံးပေါ်ခဲ့သည်။ ဤသက်တမ်းတိုးပေးမှုကြောင့် ကုမ္ပဏီအနေဖြင့် ရှေ့ဆက်မည့် ပြန်လည်ဖွဲ့စည်းမှုအစီအစဉ်များနှင့် အရင်းအနှီးအသစ် ရှာဖွေခြင်းများကို လုပ်ဆောင်ရန် အချိန်ရသွားမည် ဖြစ်သည်။ ထို့ပြင် ပင်မဘဏ်ကြီးဖြစ်သည့် MUFG ဘဏ်ကလည်း ကုမ္ပဏီလုပ်ငန်းလည်ပတ်မှု မပြတ်တောက်စေရန်အတွက် ယန်း ၅ ဘီလီယံ အပိုဆောင်းချေးငွေ ထပ်မံထုတ်ချေးပေးမည်ဖြစ်ကြောင်း သိရသည်။